متن و سبک نوحه سینه زنی حضرت مسلم بن عقیل (ع)

متن نوحه حضرت مسلم (ع) – به زبان مازندرانی

هلال غم سر بزّوعه/ خیمهٔ باور بزّوعه
ارباب عشق در کربلا/ دلهاره شرر بزّوعه

بمو تا دین ره یاربوعه/ نابودی اشرار بوعه
سر هاده در راه خدا/ سردسّهٔ احرا بوعه

سروش غم کنده صدا /حسین در شونه کربلا
مولا حسین ۳

آزاده گان هوشیار بوعین
دین خدا ره یار بوعین
دم از حقیقت بزنین
مظلومونه غم خوار بوعین

شهید همیشه زندوعه،،خون برشمشیر برندوعه
اگر دشمن بوعه هزار،،دین خدا بالندوعه
سروش غم کنده صدا،،حسین درشونه کربلا
مولا حسین۳.

وقت نماز عاشقی ،، ونه که سر ره هداعن

ونه دس بیری از شه جان،، جانِ پسر ره هداعن
هدا شه هستی راه یار ،، هدا شه طفل شیر خوار
پهلوون پهلوونا،، هدا شه رشیده برار

سروش غم کنده صدا،،حسین درشونه کربلا
مولا حسین ۳

نصفه روز این همه بلا،، بکشیعه راهِ خدا
حتی شه طفل شیره خوار،،فدا هاکرده راه یار
بته که ای جان خدا ،، بمو حسین بهرفدا
ته بهتر دوندی که حسین،،
نکندع بیعت با دغا.

سروش غم کندعه صد،،
حسین درشونه کربلا،،

این ماه بونه انده جفا،،سرحسین بونه خدا
اتی شونه نیزهٔ سر
اتی تندیره اشقیا

هلال زینب اون بالا،، بونه به سونه قرصه ماه.
ونه صوته فدا (صفا)
قرآن خوندنه مه مولا

سروش غم کنده صدا
حسین درشونه کربلا